Tui chîm chin sang an buaipui

Khawvela mangrove ngaw zau ber, India leh Bang­ladesh inrinaa mi Sun­derbans-ah chuan tuipui chîm chin sang zel an buaipui hle a, tun ang zela tui chîm chin a san zel chuan he thliarkar hi tun aṭanga hun rei vak loah chuan tuipui hnuaiah a awm thuai dawn a ni.

Sunderbans hi sakei hum­halhna hmun pawi­mawh tak a ni bawk a, tui chîm chin a san zel chuan sakeite tan a buaithlak dawn hle a, an awmna hmun an sawn a, mihring chên tam­na hmuna an luh chuan thil buaithlak zawk a thleng dawn a ni.

He thliarkar hi tuipui chîm chin sân tial tial bakah hian mihring thil tih avangtein a tlahniam tial tial bawk a, hengte avang hian kum tin mm 3 aṭanga 8 thlengin tuipuiin a chîm chin hi a san belh zel a ni. World Bank-in a tarlan dan chuan hengte bakah hian kum 2004-a tsunami leh kha thil thlengin a hnu leh a thlente avangin tuipui chîm chin hi a san belh a ni.

World Bank-a mi, Sanjay Gupta chuan tuipui chîm chin hi cm 45-a a san chhoh vaih chuan India leh Bangladesh awp chhung Sunderbans-a zaa 75 zet chu a chhe thei dawn niin a sawi.