Zanin aṭangin Youth Icon 2024 First Round

LBS Suzuki Youth Icon 2024 first round intihsiakna chu zanin dar 8 aṭangin ṭan a ni dawn ta.

First round-ah hian online audition paltlang mi 272 an intihsiak dawn a, LPS Studio, Zarkawtah intihsiakna hi neih a ni ang. First Round hi September 10 -20 chhung neih niin, zan riat chhung zan khatah mi 27 leh, zan hnih dangagh mi 28 ve ve an zai dawn a, September 21 zanah result puan a ni ang.

Second Round-ah hian mi 30-40 tling tura ruahman niin, September 25-27 chhung LPS Studio-ah tho an intihsiak zui leh ang a, heta ṭang hian Top 10 thlan chhuah a ni ang. Top 10 intihsiak hi LPS Arena, Falkland-ah mipui chhim theih tura buatsaih a ni dawn a, October 19-ah Youth Icon hi thlan a ni ang.

Youth Icon hian trophy leh pawisa fai, Rs 2,00,000 a dawng dawn a, lawmmanah hian pawisa fai Rs 4,40,000 sem chhuah a ni ang. LBS Suzuki, Bawngkawn chu title sponsor niin, Hõm Furniture, Bawngkawn leh Sailo Agencies Home Appliances, Ramhlun South-in an sponsor bawk a ni.