Orlando Bloom-a'n 'The Cut' atan thla 3-ah kg 23.5 paih hman

Hollywood actor, Orlando Bloom chuan boxing drama, 'The Cut'-a boxer lemah a chan avangin a rih zawng nasa taka tihniamin, a coach kaihhruaina hnuaiah thla thum chhungin pound 52 (kg 23.5) a paih hman tih a sawi.

'The Cut' ah hian boxer,a chawlh tawh hnuah a rihna nasa taka tihniama championship title a rawn beih leh dan tarlan a ni. Bloom hian hemi atan thla thum zet chu ei leh in lamah pawh nasa taka a inhrek thu sawiin, film an chan ṭan hian pound 52 zet a lo hloh hman a ni. Mahse film chan lai vek hian in ei ṭha chho lehin a rihna pawh a pung leh a, hei vang hian an film pawh hi a tawp lam hi an shoot hmasa a, a rihna a pun chho leh hnu, a film ṭantir lam tur hi a tawp lamah an shoot thung. 'The Cut' hi September 5 khan Toronto International Film Festival-ah premier a ni.