Kylie Minogue-i'n world tour nei dawn

Legendary pop star, Kylie Minoque chu stage lamah kirin, world tour a nei dawn tih a rawn puang.

Minogue hi a tour neih hnuhnung ber chu kum ruk liam taa US-a a neih niin, tun ṭuma a tour neih tur hi Australia aṭangin a ṭan ang. Kum 56 mi ni tawh mah se, Minogue hian tun hnaiah a single pahnih, 'Dance Alone' leh 'My Oh My' te a hlawhtlinpui leh hle a, studio lamah pawh a insawrbing chho leh tawh a ni. A show neih tur hi a career-a a pui ber tur anga neih a tum a, peformance pui tak tak rawn chhawpchhuah a tum tih a sawi. Hei bakah kumin kumtawp lam hian a lehkhabu; music, film leh television lama kum sawmli chhung hun a hman leh a thil tawn hrang hrang a tarlanna bu a ti chhuak dawn bawk a ni.