DJ Lalvenhimi hla thar 'Aw Valmawi'

DJ Lalvenhimi chu hun eng emaw chen a reh hnuah hla thar nen a rawn kir leh ta a, zanin hian a music video thar 'Aw Valmawi' chu Zonet-ah thlira ngaihthlak theihin tihchhuah a ni dawn.

'Aw Valmawi' hi Van­neihtluanga phuah a ni a, mi ṭhenkhat chuan kan hre tawh awm e,  Chanmari branch KTP Original Musical Film “Hnehna Ropui”a mi kha a ni. Music Video hi Jeremy Hauhnar produc­tion thar, Wayward produc­tion kut chhuak a ni a, choreographer chu Alan Rinawma a ni bawk a, mit a tlai dawn tih a chiang.

Wardrope chu Mesz Khiangte a ni a, MUA chu Mahlimi Hmar niin Shop at Judy's leh Pro Sound lam pawhin DJ-i project tharah hian tha an thawh bawk. He hla hi nulain tlangval a ngaihzawnna hla a, a bemna hla a ni ber tih DJ-i chuan Vanglaini a hrilh a, Chanmari Branch KṬP-in phal taka hla an sak tir avangin lawmthu a sawi a, music video a puitlin theihna tura tha thawhtu zawng zawng chungah lawmthu a sawi bawk a ni.