'Zawhna 98'-ah Everester Lalrintluangi
Mizo hmeichhe zinga khawvela tlangsang ber, Mt. Everest lawn chhuak hmasa ber Lalrintluangi chu Zawhna 98-ah a inlan dawn a, zanin hian Zonet-ah en theihin a awm dawn.
Angelina Paul host-na hnuaia Zonet programme siamah hian a hmain footballer Lallianzuala Chhangte leh Youth Olympic gold medalist Jeremy Lalrinnunga-te pawh an inlan tawh a, Lalrintluangi hi he programme-a hmeichhia Angelina-i'n a kawm hmasak ber tur a ni.
Zawhna 98 series hmasa en tawhte chuan Jeremy leh Lallianzuala te chungchang thil tam tak an hriat belh ngei ang tih a rinawm a, an nuna thil entawn tlak, an harsatna tawh leh a hlimawm lampangte pawh tam tak an hre ngei ang. Zaninah pawh hian Mizo hmeichhe Everester chiang zawka hriatna hun a awm leh dawn a, Mt. Everest lawn chakna thinlung pu kan awm a nih ngat phei chuan a en chi hle ang.
Dawrpui Vengthar nula hi kum 2016 khan kum naupang téin khawvela tlangsang berah a lawn chhuak a, khami ṭuma a experience tam tak hre chak kan awm a nih chuan zanin Zonet lamah a en theih dawn a ni.