India-ah Asus-in an ZenFone 2 an chhuah dawn

Asus chuan an phone siam, an chhuan tak, ZenFone 2 chu tun thla hian India-ah an launch dawn tih an puangzar. He phone hi khawvela smartphone chhuak zinga 4GB RAM nei hmasa ber tur a ni.

ZenFone 2 hi India-ah April 23 aṭangin an launch dawn a, chi thum an tichhuak ang. An tihchhuah turte hi ZenFone 2 ZE551ML, ZenFone 2 ZE550ML leh ZenFone 2 ZE500CL te a ni. Asus hi Tai­wanese company a ni.

ZenFone-ho hian inchi 5.5-a hlai display a nei ang a, pakhat hian inchi 5-a hlai a nei ang. ZE551ML hi a storage pawh 64GB ngawt a ni a, 4GB RAM niin, India pawisa chuan Rs. 20,000 man vel tur a ni. A dang hi Rs. 18,000 leh 14,000 man vel tur a ni thung.

Android Lollipop an hmang a, camera lamah chuan ZE551ML leh ZE550ML te hian a hnunglam camera-ah 18MP an nei ang a, hmalam hi 5MP a ni ang. ZE500CL pawh a rear hi 8MP tho a ni ang a, a hmalam erawh 2MP a ni thung ang. ZE500CL battery hi 2500 mAh a ni ang a, a dang pahnihte erawh chu 3000mAh a ni dawn.