Amitabh-a Padma Vibhusan an hlan

Bollywood actor lar leh hlawhtling, Amitabh Bachchan chu nimin khan President Pranab Mukherjee chuan New Delhi-a Padma Vibhusan a hlan. Hlanna inkhawmah hian Amitabh hi a fapa leh a fanu, Abhishek leh Shweta bakah Abhishek-a nupui, Aishwarya Rai ten an ṭawiawm a ni. Hemi rual hian Assamese film director hlawhtling, Jahnu Barua chu Padma Bhushan hlan a ni bawk.

Padma Vibhusan hi India rama civil mite chawimawina sang ber dawttu a ni.

Sholay, Deewar, Don, Amar Akbar Anthony, Black and Paa te changtu, Amitabh hian kum 1984 khan Padma Shri a lo dawng tawh a, kum 2001 khan Padma Bhusan hlan a lo ni tawh bawk.