CMA nomination-ah Morgan Wallen a langsar

Country Music Awards (CMA) 2024 nomination chu puan a ni ta a, Morgan Wallen chuan nomination hmu hnem berin pasarih a hmu. Kum li liam taa new artist of the year atana thlan a nih hnuah Wallen hian CMA hi a la dawng leh lo a ni.

Cody Johnson leh Chris Stapleton-te chuan nomination panga ve ve an hmu a, Post Malone leh Lainey Wilson ten pali hmu bawkin; Louis Bell, Luke Combs, Charlie Handsome, Hoskins, Jelly Roll, Megan Moroney leh Kacey Musgraves te chuan nomination pathum ṭheuh an hmu bawk.

Beyonce chuan a genre thlak a, country album 'Chow Carter' a tih chhuah chu music chart lamah chet ṭhatpui viau mah se, kumina Country Music Awards sem tura nominee zingah a lang lo. Hei hi amah ngeiin a album chungchang a instagram-a a sawinaah, 'Hei hi country album a ni lo, 'Beyonce' album a ni' tia a sawi vangte pawh a ni mahna. Miranda Lambert chu kum 17 chhung female vocalist of the year nomination-a a lan hnuah, kuminah erawh a lang ve ta lo bawk.

58th Annual CMA Awards hi November 20 hian Nashville-a Bridgestone Arena-ah neih a ni dawn a, show host tur hi puan a la ni lo.