Selena Gomez-i'n fa a pai thei lo tih a sawi

American actress leh singer, Selena Gomez chuan fa a pai thei lo tih Vanity Fair in cover interview a neihpuinaah a sawi.

Kum 32 mi, Gomez chuan hemi chungchang hi a la sawi chhuak ngai lo tih sawiin, a taksa hriselna lamah harsatna hrang hrang a neih avangin, naupai chu amah leh a naute tan thil hlauhawm tak a ni dawn niin a tarlang. Gomez hian a hmain lupus a neih thu pawh a lo puang a, kum 2017 khan a kal thlak a lo ni tawh bawk. A documentary, 'My Mind and Me' ah bipolar disorder a neih thu a sawi bawk a, kum 2022-a Rolling Stone in an kawmnaah, bipolar enkawlna tura a damdawi lak avangin ṭha takin a tan naupai a him dawn lo tih a lo sawi tawh bawk a ni. "Ka lo duhthusam leh suangtuah ang chu a ni lo a, mahse midang chunga thleng ang chu ka chungah pawh a thleng ve thei reng a ni," tiin Gomez chuan fa neih ngei a chak thu leh, surrogacy emaw adoption emaw a la ngaihtuah dawn tih a interview-naah hian a sawi.