Son Goku voice actor hnenah 'Japan top female voice actress' title pe

Kum 23 chuang Dragon Ball franchise-a Son Goku leh mi dang ṭhenkhat tana aw thawhtu, anime voice actor Masako Nozawa chu fan-ten "Japan's top female voice actress" title an pe.

Japan-based entertainment site lar, NetLab chuan 'Voice Note' nena thawk dunin viewer-te chu Japan rama hmeichhe voice actor ṭha a tih ber an thlan tir a, anime chauh ni loin video games, TV commercial leh foreign-made film te pawh an huam tir. Vote thlaktu zinga 24.4% chuan an duh berah Nozawa an thlang a, pahnihna chu Shine-Ei Animation Doraemon anime-a robot cat aw thawhtu, Nobuyo Oyama niin vote 11.3% a hmu. Nozawa hian Dragon Ball series-ah hian Goku bakah mi dang tan aw pawh a thawh nual a, heng zingah hian Saiyan fapate pahnih - Gohan leh Goten pawh an tel a, 'Dragon Ball: Episode of Bardock (2011)-ah khan Goku-a pa, Bardock aw pawh a thawh bawk a ni.