James Earl Jones pualin Empire State Building ti eng

'Star Wars' franchise-a Darth Vader voice actor, James Earl Jones chu September 9 khan kum 93 mi niin a boral a, Thawhṭanni zan khan zahna lantir leh chawimawina atan New York-a Empire State Building chu light sen leh duma kap engin, Darth Vader thla an kap lang bawk.

Empire State Building official Instagram page chuan building thla hi dah langin, caption-ah 'Rest in Peace Lord Vader' tiin an ziak. Jones hian Star War franchise-a supervillain, Dart Vader aw a thawh bakah hian film dang eng emaw zatah aw a thawh bawk. US broadcaster CNN tagline, 'This is CNN' tih sawitu pawh hi a ni. Tony award pathum dawngin, Emmy leh Grammy award te pawh a dawng a, kum 2011 khan Oscar chuan lifetime achievement award a lo hlan tawh bawk a ni.