Michael Douglas Juda sakhuaah

Cancer avangin a na hrep a, tunah chuan ziaawm lam a pan ta. Actress chhe lo, Welsh nu hmelṭha, Catherine Zeta Jones pasal, actor leh producer, Michael Douglas chuan Juda sakhua a zawm a, a thlarau mi sawt hle niin a insawi.

Juda sakhua a pawhna chhan tak hi Catherine nena an fapa, kum 14 mi hian Juda sakhua a tuipui hle a, Bar Mitzvah-ah a tel ta nghe nghe a; a tel hnu hian an chhungkuaah a lalut zel a, a pa te pawh hian an tuipui ta hle a ni. Michael Douglas hi Juda mi a ni hrim hrim bawk.

Juda mite hi khawvel pumah maktaduai 18 emaw vel chauh an awm a, Assam state-a mihring awm zat ai pawhin an tlem zawk. Chuti chung chuan politics, entertainment, science leh field hrang hrangah Juda mite hi an ropui hle. A tam zawk hi chu Juda sakhua ni loin Kristian an ni.

Film lamah chuan Alicia Silverstone, Barbara Streisand, Harrison Ford, Gwyneth Paltrow, Natalie Portman, Sarah Jessica Praker, Robert Downey Jr. te hi Juda langsar zual an ni a, Steven Spielberg te pawh Juda mi bawk a ni. Ben Stiller, Woody Allen, Mel Brooks te pawh Juda tho. Music lamah pawh Bob Dylan hi Juda mi kan hriat zinga langsar berte zinga mi a ni.

Scientist-ah chuan Albert Einstein hi Juda pachal a ni. Sumdawnna lamah pawh an thawhhlawk hle. Computer khawvela hriat jhlawh Dell hi Juda pachal ta a ni a, Microsoft-a an CEO ṭhin, Steve Ballmer kha Juda bawk a ni. Fashion khawvelah chuan Calvin Klein hi Juda pachal a ni a, jeans hmuchhuaktu Levi Strauss pawh Juda tho.

Muslim-hoin an ngei leh huat em em chu Judate an ni a, mahse an tluk lo hle. Tam lamah chuan Muslim-te hi tluklehdingawn 1.2 vel zet an ni. An intluk loh dan hi Nobel Prize aṭangin an khaikhin fo. Muslim zingah Nobel Prize dawng tawh mi 14 chauh an la awm laiin, Juda mite zingah mi 193 zet an awm tawh a, Economics bikah phei chuan a dawng tawh za zela 39 ngawt hi Juda mi an ni.