American Idol-ah Qaasim a inring sual

Jax Cole, Nick Fradiani, Quentin Alexander, Joey Cook, Clark Beckham leh Tyanna Jones te tan Nilaini zana American Idol intihsiakah hlauhthawn tur a awm lo. Rayvon Owen leh Qaasin Middleton te tan ṭan a ngai a, a hniam pahnih an ni.

Twitter Save atan Rayvon Owen leh Qaasim Middleton te hi an inzaisiak ta a; Owen hian Adele hla Set Fire To The Rain hla a sa a, judge-te komen aṭangin hlimna tur a tam em em lo. Keith chuan mahni himna tur ngaihtuah a nih laia khatiang hla a sa kha a finthlak lem loh niin a sawi a, Jennifer Lopez pawhin Owen zaiṭhat ber ṭum a ni lo tih sawiin, a zai dan erawh a duh hle tih a sawi bawk.

Qaasim a rawn zai a, Outkast hla Heyya a rawn sa. A sa ṭha a, Jennifer Lopez pawhin zai ṭha a ti ngang mai. Keith pawhin a fak hle a, amah pawh a konfi a, zai ṭha a inti.

Twitter Save result puan a ni a, beisei loh angin thil a kal. Twitter-a vote-ah Rayvon Owen a sang zawk a, Qaasim Middleton tan a lungchhiatthlak thung. Top 7-ah Tayvon a tel chho a, Qaasim erawh a liam a ngai ta a ni.