EXO-in chhinchhiah an hlawh dawn

Album puitling an tihchhuah hmasak ber aṭangin khawvelin an hria a, record chi hrang hrang an siam a, EXO album pahnihna pawh hi a ropui leh hle. US-ah bik phei chuan Billboard-a record an siam nual!

EXO album pahnihna, EXODUS chu April chawlhkar hmasa ber kar tawp ni thum chhung khan North America bikah copy 6,000 zet an hralh hman. He album hi Billboard album chart pangngai, Billboard 200-ah 90-naah a lang pha a, a hnuah 70-na a thleng chho thei. K-pop mipa zinga Billboard main chart-a thleng sang ber an ni.

A hmaa thleng sang ber ṭhin, mipa bikah chuan Taeyang kha a ni a, kum 2014 khan a album Rise chu 112-naah a lang. A pumpuia K-pop act zinga album chart, Billboard 200-a thleng sang ber chu 2NE1 an ni a, 61-na an thleng pha a ni.

Billboard-in khawvel hmun hrang hranga album ṭha a tehna, World Album Charts a tihchhuahah EXODUS hian a zawnin pakhatna vawi hnih a hauh ta mek bawk. Hei bakah hian an hla, Call Me Baby chu tunah Billboard K-Pop-ah pahnihna a hauh mek.