Chester Bennington fapa in Linkin Park reunion a sawisel

Linkin Park lead singer, fam ta Chester Bennington-a fapa, Jaime Bennington chuan Linkin Park-in kar liam taa line-up thar puang a, a pa thlak tura Emily Amstrong a la chu a sawisel.

Instagram-ah Jaime chuan band founder, Mike Shinoda chu sawiselin, a pa nun leh ropuite chu a thai bosak niin a puh. Reunion an neih tur chungchang pawh a hrilh ve loh thu a sawi. A pa thlaktu tura an lak, Emily Amstrong-i'n Scientology a inhnamhnawihna a neih dan te, 2020-a pawngsualtua puh actor Danny Masterson thubuai ngaihtuah laia a thlawp chungchangte a sawi chhuak bawk. Linkin Park fan-te pawhin vocalist thar atana an lak hi pawm thiam harsa an la ti a ni, a ti.