Janis Joplin biopic-ah Shailen Woodley a chang dawn

Legendary rock star, Janis Joplin film siam turah Shailene Woodley a chang dawn a, a produce nghal dawn bawk. He biopic siamna tur hian Woodley hian California Film Commission aṭangin USD mtd 2.5 a dawng bawk a ni.

Kum 1970-a kum 27 mi nia boral ta, Janis Joplin film hi California-ah an chang dawn a, budget atan USD mtd 10 vel an ruahman. Woodley chuan California khawpui chu Joplin nihna tak phochhuahna atana hmun ṭha ber leh, Joplin nunah pawh hmun pawimawh tak a nih thu a sawi. Joplin biopic hi a hmain siam tumna lo awm fo tawh mah se tihlawtling an la awm lo a, a lem chang tur hian Amy Adams, Zooey Deschanel, Pink leh Melissa Etheridge te pawh sawirik an lo ni tawh bawk.