Murray-an nupui a nei dawn

Vawiin hian British tennis star, British no. 1 ni mek, Andy Murray chuan Dunblane Cathedral-ah nupui a nei dawn ta. Dunblane hi Murray-a chawr chhuahna khua a ni.

Andy Murray nupui tur hi Kim Sears a ni a, kumin January thlaa Australian Open khelh lai khan Kim hian Murray nena an inhualna zungbun chu a bun chhuak a, thlalatute leh chanchinbu mite ngaihven a hlawh hle.

In inneihna tur Dunblane Cathedral hi kum zabi 12-na laia sak daih tawh kha a ni a, mi 300 vel ṭhut theihna a ni. Biak in panna kawngah mi tam tak ṭhutna tur ruahman tel a ni.

Kim Sears hi kum 1987 december 10-a piang a ni a, British mi tho a ni. Andy Murray hi Scot mi a ni a, Glasgow khaw chhuak a ni a, kum 1987-a piang tho niin, May 15-ah a piang. Tennis ranking-ah tunah hian pathumna a ni mek.