Billboard 200: 'Short n' Sweet' in hma hruai chhunzawm

Billboard 200 album chart tharah, Sabrina Carpenter 'Short n' Sweet' chuan a kar hnihna atan hma a hruai chhunzawm.

Kum 25 mi, Carpenter album hi August 23-a Island Records kaltlanga a tih chhuah niin, kar liam ta khan United States-ah equivalent album unit 159,000 neih belh lehin, album-a hla 12 te hian on-demand official stream mtd 168.45 an nei. Album sale hi 32,000 a tling bawk.

Post Malone 'F-1 Trillion' chu No 3-a tlak thlak hnuah No 2-ah rawn chho lehin, equivalent album unit 86,000 a nei ve bawk. Chappell Roan pawhin hma a rawn sawn a, 'The Rise and Fall of a Midwest Princess' chu No 3-ah a lanpui a, equivalent album unit 64,000 a nei. Chart luah lumtu, Morgan Wallen 'One Thing at a Time' chuan equivalent album unit 55,000 neiin No 4-ah a la awm bawk. Kar 15 chhung a chung ber dinhmuh luah thei, Taylor Swift 'The Tortured Poets Department' chuan Top 5 a rawn khar.

Chart-ah hian LE SSERAFIM 'CRAZY' a rawn lang thar bawk a, K-pop girl group hian Top 10 chart-a lang thei album pathum an neihna a ni.