Zaninah 'Sernung' tlangzarh a ni dawn ta

Tlaizawng Visual Production film thar, 'Sernung' chu zanin dar 8:30 hian Vanapa Hall-ah Raymond Colney (B.I.S.P) in a release dawn. A hmunah ticket lei tur a awm dawn a, Rs 150 man a ni ang. Release zan aṭang hian Lersia Play-ah lei theihin a awm nghal ang.

'Sernung' ah hian Mizo zaithiam lar, Zaii Hauchhum pawh a inlan. . A film Original Soundtrack (OST), 'Thawnthu Hlui' pawh August ni 10, 2024 zanah Zaii Hauchhum channel lamah a chhuak tawh nghe nghe. Release Function-ah hian Zaii Hauchhum hian OST hi a sa dawn a, PC Lalremruata a zai dawn bawk.

He film-ah hian Mizo film industry lama kan la hmuh ngaihloh hmel thar kan hmu nual dawn a, a changtute pahnih - Sumeon Malsawmdawngkima leh Esther Laldinpuii te pawh hi film dangah kan la hmuh ngai loh an ni. Aizawl, Khanpui, Saitual leh Keifang khuaah te shooting hi neih niin, director hi Duha Ralte a ni a, co-director John Laltluangliana Chhakchhuak leh director of photography Dama Chawngthu a ni. Cinematographer hi Paul Samson Chhakchhuak leh P.C Vanlalhruaia (Teeva), production manager hi Zothanpuii niin, producer hi Lar16 a ni a, C.Lalsiampuia chu co-producer a ni bawk. A film genre hi suspense thriller a ni , hnam dangte pawh en theih turin English subtitle dah tel a ni bawk.