Dinsangi'n hla thar a rawn nei e

'Its a beatutiful Day' aṭanga Zoram khawvelin kan hmelhriat, Laldinsangi chuan hla thar a rawn nei a, MDM Youtube Channel-ah tlai dar 5:00 aṭangin en theihin a awm dawn.

A hla thar hi Pastor Lalvensanga'n 'How Great is our God' tih hla a lehlin a ni a, tun laia Mizo band lar leh ṭha To Coda nen an thawk dun a ni. Besy Choir member Effie leh Rempuii bakah Maruata ten an pui bawk. Video hi JonMizo kut chhuak niin, mixing & mastering hi ZTa Khawlhring khawih a ni thung. 'How Great is our God' kan lo hmelhriat ṭhin ang lo deuhin, a rawn danglam dawn a ni. July thla tawp lama release tum ni mah se, rokhawlhna an neih avangin an sawn hla leh ta a ni. Dinsangi hian a music video hmasa ber ‘Its a beautiful day’ kha a larpui hle a, Ṭhazual chart-ah ṭum hnih pakhatna a lo hauhpui tawh. A hla thar pawh hian ngaihthlak leh thlir a hlawh leh hle a rinawm.