Social media-a follower 1 billion nei thei Cristiano Ronaldo

Portuguese football icon, Cristiano Ronaldo chuan khelmual chhungah chauh ni lo, khelmual pawn lamah pawh record a siam belh zel. Mi tluklehdingawn 8.1 chenna khawvelah social media platform hrang hrang aṭanga follower tluklehdingawn nei tling hmasa ber leh awmchhun a ni.

Ronaldo hian a social media account zingah hian Instagram hi follower a ngah berna niin mtd 639 a nei, hei ringawt pawh hi khawvela mihring awm mek aṭanga 8% dawn a tling pha der a ni. Facebook-ah follower hi mtd 170 chuang neiin, X-ah mtd 113 leh, Chinese platform pahnih - Weibo leh Kuaishou-ah mtd 10 tling lo deuh ve ve a nei bawk. Thla liam ta maia a siam thar, YouTube channel-ah pawh subscriber hi mtd 60 chuang a nei hman der tawh bawk.