ṬHAZUAL FAKNA BTea 'Fak tlak i ni' Pakhatna a ni

Ṭhazual Fakna chart-ah Lalbiaktluanga (Btea) 'Fak tlak I ni' chu pakhatna a ni a, Maruati & Rla 'A hnai reng Isua' chu pahnihna niin Seraphic Choir  'Hnehna Lallukhum' chu pathumna a ni bawk.

Lalbiaktluanga (Btea) 'Fak tlak I ni' hi Ṭhazual Fakna chart luahlumtu ber zinga mi a ni a, June thla tawp aṭang khan chart-ah a inlan tawh a ni. Hma a sawn chak hle a, July thla laihawl velah kha chuan Top 5-ah a inhlangkai der tawh a, mahse dinhmun ṭha bera ding tur erawh chuan hun a awm ve deuh thung.

Chart hmasaah khan pa­thum­naah a rawn inhlangkai a, tun ṭumah erawh pakhatna a rawn ni ta a ni.

 'Fak tlak I ni' hi Btea hian a sa nungin a sa thiam bawk a, chart luahlumtu tih pawh hi a inhmeh hle. Bonny.Zawma lehlin a ni a, June thla tira a tihchhuah kha niin, Btea YouTube channel lamah pawh ngaihthlak theihin a awm tawh a ni.

Chart hmasaa pangana Maruati & Rla 'A hnai reng Isua' chu pahnihnaah a rawn invawrh a, an sa thiamin a hla a ṭha bawk a, hma an sawn chak hle. 

Seraphic Choir erawh an dinhmun ngaiah an ding thei ta lo a, 'Hnehna Lallukhum' hmangin pathumna an la ni bawk.

Dr. Zova 'Ka puang zel dawn' chu palina a ni a, Sanga Ren­­thlei chuan 'Lal Isua duh­awm ber' hmangin Top 5 a rawn khar ve thung a ni. 

Ṭhazual Fakna chart-ah hian Pensy hla pahnih a lang a, One in Christ leh  Crosscraft ft Fiona Pachuau-te pawh an lang bawk.

1    Lalbiaktluanga (Btea)     - Fak tlak I ni

2    Maruati & Rla     - A hnai reng Isua

3    Seraphic Choir     - Hnehna Lallukhum

4    Dr. Zova     - Ka puang zel dawn

5    Sanga Renthlei     - Lal Isua duhawm ber

6    Pensy     - Ka tan Krawsah ngei chuan

7    One in Christ ft. Isaac Hnamte     - Fak hla rimawi

8    C. Muani     - Arsi Engmawi

9    Crosscraft ft Fiona Pachuau     - Fak hla rimawi

10    Pensy     - Vengtu hmangaihna