Hong Kong, Taiwan leh Thailand lamah a nasa

Disney film Mulan live-action-a siam thar leh chu Zitawpni liam ta khan  tlangzarh a ni a, Asia leh khawvel hmun hrang hranga theatre-a chhuah ṭan chhoh tura ruahmanna siam mek a nih karah Asia ram ṭhenkhatah chuan duh lohna an lo lantir ve mek bawk a, #BoycottMulan Movement chu Hong Kong, Taiwan leh Thai­land lamah chuan social media lamah hmuh tur a tam viau a ni.

Mulan actress  Liu Yifei chuan hmanni deuh khan Hong Kong buaina chhuak chungchangah police thlawp zawngin comment a nei a, hemi vang hian Hong Kong, Taiwan leh Thailand-a  social media khawihtu tam tak chuan Mulan en lo turin mipui an ngen nasa hle.

Hong Kong activist leader Joshua Wong chu chung zinga hming langsar a ni leh bawk. Liu Yifei hian nikum nipui lai vela Hong Kong contradiction law chungchanga mipui leh police nasa taka an innek buai chungchangah khan police thlawp zawngin social media kaltlangin a ṭawng chhuak a, hei hi mi tam takin an duh lo hle a ni.

Mulan hi $maktaduai 200 lai senga siam niin Zirtawpni liam ta kha US-ah tlangzarh a ni a, hripui len vanga theatre tam ber  khar kara budget lian film an tlangzarh hmasak pawl a ni.