Eddie Murphy-an comedian award a dawng dawn

Actor, fiamthu thiam, Eddie Murphy chuan fiamthu khawvela chawimawina ngaihhlut, Mark Twain Prize for American Comedy a dawng dawn. He thu hi Ningani khan puan chhuah a ni a, chawimawina hi October 18 khian, John F. Kennedy Center-ah hlan a ni ang.

Mark Twain Prize for American Comedy chawimawina hi thuziak, komen leh ṭawngkam hmanga mite nun hneh a, an ngaihsante hnenah hlan ṭhin. Mark Twain hi hetiang lamah chuan khawvela mi ropui leh hriat lar a ni a, ama hmingchawi hian chawimawina sem zui a ni.

Eddie Murphy a lawm hle a, "Hetiang chawimawina ropui tak mai Kennedy Center-in min hlân dawn tih ka hriat hian ka lawm a, hei tluka ngaih ropui tur leh hlu hi a tam lo hle ang," a ti. Mark Twain Prize for American Comedy hi a hmain Jay Leno, Carol Burnett, Tina Fey, Whoopi Goldberg leh Bill Cosby ten an lo dawng tawh a ni.