The Rock-an chaw a ei ngun

A sek ṭel ṭul a, a lian bawk sia, chaw heh âwm tak a ni. A heh chu a heh ngei a, mahse vawi khatah a ei ṭeuh ngai lo. The Rock hian ni khatah chaw vawi sarih zet a ei ṭhin!

Fast and Furious star Dwayne 'The Rock' Johnson hi zingah pawh a tho hma hrim hrim. Zing dar li aṭangin eksar a ṭan tawh a, a taksa tana ṭha lo turin a awm mai mai ngai lo hrim hrim a, hna pawh a thawkrim hle.

A chaw ei hmasak berah sangha, artui leh oat a ei ṭhin a, a hnuah sangha, buh leh thlai a ei leh. A chaw ei dang lehah alu ur hmin leh anṭam hel ei chi a ei ṭhin bawk. A chaw ei apiangin a chawhmeh a hrang hlak zel a, a ei tur zat pawh a inbituk thlap a, a inbituk ṭhin aia tam a ei ngai lo.

Film a chan dawnin a in-diet nasa ṭhin hle. Mizotena kan theih loh fo a ni. Hercules film a chan dawn khan chalwhkar 22 chhung ngawt a in-diet a, GI Joe: Reta­lia­tion a chan dawn khan chawlh­kar 14 a in-diet thung.