Corz Darkhuang Acoustic Beat Contest 2024

Mizorama a hmasa ber turin Chanmari Branch YMA, Aizawl chuan Corz Darkhuang Acoustic Beat Contest 2024 a buatsaih dawn a, Zonet TV-ah live-a pek chhuah a ni ang.

He zai intihsiak hi Zo hnahthlak, Mizoram chhung leh pawna cheng, a duh apiangte tan tel theih tura ruahman a ni. Kohhran, pawl, zirna in hming leh ṭhian intelkhawm tan tel theih vek a ni. Lawmman pakhatnain cheng nuai khat leh trophy, pahnihnain cheng singnga, pathumnain cheng singthum an dawng ang. Hei bakah hian mimal lawmman a awm bawk ang.

Beat contest-a tel tumte chuan October 15, 2024 ral hmain an band hming, phone number leh entry fee te pek tur a ni. Intihsiak hi tha tak leh changkang taka buatsaih tum a ni a, Chanmari Branch YMA chuan khaw hrang hrang leh veng hrang hrang, Mizoram chhung leh pawna cheng Zo hnahthlakte chu tel turin a sawm a ni.