Kareena Kapoor Khan Film Festival siam dawn

Bollywood actress, Kareena Kapoor chuan film industry-ah kum 25 a hmang tling a, Indian Cinema tana a thawh hlawknate chawimawina turin a pual hian Kareena Kapoor Khan Film Festival buatsaih tum a ni. He festival-ah hian a channa film hrang hrangte tih chhuah a ni ang.

Kareena hian India-a lemchan thiam hmeichhia zinga a puala festival buatsaih sak hmasa ber tur a ni. Delip Kumar leh Amitabh Bachchan pualin buatsaih a lo ni tawh thung. Kum 25 chhung hian Kareena hian film hlawhtling tak tak neiin, heng zingah hian a debut film 'Refugee' bakah Kabhi Khushi Kabhie Gham, Jab We Met, 3 Idiots, leh Veere De Wedding te pawh an tel.