Emilia-in Arnold aiin hlawh hnem dawn

Arnold Schwarzenegger-a channa Terminator film thar ber, Terminator: Genisys chu July 1 hian US-ah tlangzarh a ni dawn.

He film tharah hian Game Of Thrones-a Dragon Queen lema chang, English actress Emilia Clarke chu a changtupa Arnold aiin a hlawh hnem dawn bakah fans a ngah zawk an rin thu Paramount studio thuneitute chuan an sawi. Emilia hi Sarah Connor angin a inlan ang.

Terminator film thar aṭangin Emilia hian British Pound makta­duai nga vel a lalut dawn a ni.

Hetihlai hian Game Of Thrones season 5-naa a bul lam episode pali chu tun hnai khan online-ah a leak out.

GOT hi online-a a leak out aṭangin darkar thum chhungah vawi 100,000 chuang download nghal a ni a, private torrent tracker, IP torrent aṭang a leak out hnuah Pirate Bay, RARBG leh KickassTorrent-ahte pawh a awm nghal a ni.

GOT leak out hi film piracy tihbo tuma hma la mek HBO tan chuan channa nasa tak a ni a, GOT Season 5 hi ram 170-ah ruala tih­chhuah an tum laiin a leak out ta a ni.