DGGI-in online gaming platform uluk zawka enfiah duh

Directorate General of GST Intelligence (DGGI) chuan online gaming platform-ah chhiah awl ruk leh, dik lo taka sum lakluhna a awm thei nia sawiin, uluk zawka enfiah a ngai a ti. Online gaming chu 'high risk' sector-ah a dah a ni.

DGGI report chuan Enforcement Directorate (ED), Reserve Bank of India (RBI), tax leh consumer affairs department aiawhte telna inter-departmental committee din a ni dawn a, anni hian online gaming platform hrang hrangten kaihhruainate an zawm ṭha em tihte an enfiah ang. DGGI hian registration mumal loa kalpui pawh dah chhuakin, chhui chian mek an ni. Thuneitute chuan dan zawm lo URL leh website 167 block turin rawtna an thlen tawh bawk.