GRACE 10:45 music video palina a hnai

'No Khat' leh 'Sulhnu' hmanga thiam taka zaia Zofate min lo awi tawhtu Grace 10:45 chuan music video palina tur 'Kumtluangin' chu a peihfel tawh a, tihchhuah thuai a tum.

Grace 10:45 hla thar hi a 'blues' raih dawn a, music video teaser pawh tichhuak tawhin a music leh a hla a 'blues' dawn piah lamah hian music video pawh chulam hawi chu a ni dawn tih a chiang nghal.

Mizo hmeichhe zinga 'blues' lam hrut ṭhin kan neih Grace hla thar tur hi ama phuah bawk a ni leh a, a hla tihchhuah tawh pathumte pawh kha ama phuah vek hi a ni a, project dang pawh a buaipui leh mek a

ni.

'Kumtluangin' video chu Screenfarm production kut chhuak a ni dawn a, designer/wardrobe chu Mesz khiangte niin music video teaser aṭang khan hmuh a nuam dawn tih a hriat theih nghal. Hair & Make Up chu Zami chhakchhuak niin Foster-ah recording a ti a, music chu tunlai zaithiam leh musician huhang ngah ber pawl K. Hminga kut chhuak a ni dawn thung. Cho­reographer chu Samuel Lalrinsanga a ni bawk.