Mortal Kombat X Release hmain competition

Thawhlehni khan Mortal Kombat X full version chu tlangzarh a ni chauh a, mahse hemi hma hian ESL chuan competition ropui zet a lo buatsaih a, hetah hian kum 17 mi, Dominique 'SonicFox' McLean chu pakhatna a ni.

Mortal Combat X competition hi he game develop-tu NetherRealm leh ESL te ṭangkawpin an buatsaih a ni. Competition hming hi Fatal 8 a ni a, exhibition tournament a ni a, hetah hian McLean chu tuma tluk rual lohin, hneh loh nei loin pakhatna a ni.

ESL Fatal 8-ah hian sawm bik mi pariatte an inkhel kual a ni. Mortal Kombat game hrim hrim heng sawm bik mi pariatte hian an thiam tlang hle a, chung zingah chuan Dominique 'SonicFox' McLean hi a chungnung ta ber. Final-ah Malik 'MIT' Terry nen an inkhel a, game nga an khelhah a chak fai vek.

Mortal Kombat X-ah hian insual dan style thar chi thum dah thar a ni a, hei hian an chêt dan (move) leh an tihtheih te a tidanglam dawn a, dgame ṭhenkhatah chuan a tichak ang a, ṭhenkhatah thung chuan a tichak lo zawk dawn a ni.