Sawmtea lawmna chu Lalpa

NGTVA hla 'A Pe' hmanga hriat a hlawh hnuah Sawmtea chuan Parema hla, 'Ka lawmna Lalpa' tih hla hmangin a hming rawn chher leh a tum. Sawmtea hian 'Ka lawmna Lalpa' tih music video a peih tawh a, cable TV-ah a pe ṭan.

'Ka lawmna Lalpa' tih hla hi Parema phuah a ni a, Parema hian a nuna a thil tawh tak tak hmanga he hla hi phuah a ni. Cancer avangin beidawnna tur thil tam tak a tawk a, mahse natna hrehawm ber a tawh lai, khawvel mite tana vanduaina nasa tak a tawh laiin Parema chuan hetiang zawngin a harsatna tawh hi a thlir lo a, Lalpan a chunga a thil tih zawng zawng a thlirin a lawm a, chu a lawmna chu hlaah a chantir a ni.

Sawmtea chuan, "He hla hi ka duh a, ka ngaithla ngun tial tial a, ka duh tial tial a ni," a ti. "Ka zai theih lai hian a tam thei ang ber Pathian fakna hla sak ka duh a, eng chen nge a tan hian ka zai theih dawn ka hre si lo. Ka theih hun chhung na na na chuan a tam thei ang ber Amah fakna hla hi ka sa ang," a ti.

'Ka lawmna Lalpa' tih hi Sawmtea music video pangana tur a ni a, tunah hian hmachhawp ṭhahnem tak a nei a, hla eng emaw zat a nei nual tawh. Chung zingah chuan Dawrpuia mi, Lalremruata, Mapuia tia kan hriat lar hla te, Sanglianthanga hla te pawh a awm. Kumin hian a tam thei ang ber music video tihchhuah a tum. 'Ka lawmna Lalpa' tih hlaah hian Feli Fanai chuan background-ah a pui a ni.