Pamela Anderson hnenah Golden Eye chawimawina

Canadian actress Pamela Anderson chu lem chan lama a thawh hlawk avangin 20th Zurich Film Festival (ZFF)-ah October 4 hian festival chawimawina ngaihhlut, Golden Eye award hlan a ni dawn.

Festival-ah hian Pamela Anderson channa, The Last Showgirl chu chhuah a ni dawn bawk a, he film-ah hian showgirl Shelley ah changin, Las Vegas show hun rei tak a lo neih tawh tawp tur chungchang a ni a, a chang thiamin Shelley chhungril nun pawh a phawrh chhuak thiam hle niin ZFF artistic director Christian Jungen chuan a sawi a, Oscar nomination pawh hmu tlak a ni, a ti. Golden Eye award ceremony zawhah The Last Showgirl hi pek chhuah a ni ang. ZFF-a chawimawina hlan tur dang zingah hian Alicia Vikander, Jude Law leh Kate Winslet te pawh an tel.