Hollywood Walk of Fame ah Batman: Superhero zinga star pek hmasak ber

Batman chu September 26, 2024 hian Hollywood Walk of Fame-ah star pek a ni dawn a, superhero zinga star pek hmasak ber a ni ang.

Batman star hi Hollywood Guinness World Records Museum kawt, 6764 Hollywood Boulevard ah a awm dawn a, Batman co-creator Bob Kane star bulah dah a ni ang. Ceremony hi Hollywood Chamber of Commerce president leh CEO, Steve Nissen an a kaihruai ang a, DC Comics' president, publisher leh chief creative officer JimLee, SVP leh general manager Anne DePies te pawh an tel dawn a ni. Batman hian Walk of Fame-a superhero zinga star nei thei hmasa ber Guinness World Record a dawng nghal dawn a, Guinness World Records adjudicator Michael Empric an a hlan dawn a ni.

'Batman' hi Bob Kane leh Bill Finger-te siam niin, kum 1939 khan Detective Comics #27 a lang hmasa ber a, hemi hnu hian comic book, TV show, cartoon leh movie-ah te a lang zui ta zel a ni. Batman film franchise hian khawvel huapin USD tld 6.8 chuang a la lut tawh a, film franchise zinga sum la lut tam zual 10 zingah a tel. Batman movie hnuhnung ber, Robert Pattinson channa 'The Batman' khan USD mtd 770 chuang a la lut.