Nicki Minaj-i'n album thar siam dawn

Nicki Minaj chuan a album hnuhnung ber, "Pink Friday 2: Gag City Reloaded" deluxe edition siam a tum chu a rilru thlakin, album thar 'Pink Friday 3' zawk a siam dawn tih a sawi.

Kum 41 mi, hip-hop artist hian X kaltlangin record thar a siam zawk tur thu leh, hla ṭha tak tak a awm dawn tih a sawi. Nicki chuan, "Ka hla tharte hi deluxe album-a dah ringawt tur chuan an ṭha lutuk a ni," tiin album thar law law siam a tum a, a la sawichiang thuai dawn tih a rawn tarlang. A hmaa a lo sawi lawk dan chuan PF2 deluxe version hi September 13-a tih chhuah a tum a, mahse a sawi ni ah hian ti chhuakin, September 15 khan a rilru a thlak thu hi a sawi leh ta zawk a ni.