New York-ah Sean 'Diddy' Combs an man

Tun hnaia buaina hrang hrang nei mek, hip-hop mogul Sean 'Diddy' Combs chu an ram hun Thawhṭanni tlai khan New York City-ah man a ni a, eng thubuai avanga man nge tih erawh sawichian a ni lo.

Sex trafficking chungchangah Los Angeles leh Miami-a Combs in te chu thuneitutten an lo dap tawh bawk a ni. Combs hian thubuai hrang hrang neiin, heng zinga a tam zawk chu mipat hmeichhiat lam hawia mawi lo taka chea puhnate niin, a laka thubuai thehluh tharlam ber chu September 10-a Danity Kane member hlui, Dawn Richard thehluh a ni a, ṭawngkam mawi lo taka ankhum leh kut thlakahte a puh. Mahse Combs chuan an puhna hrang hrangte hi a pha thung.