Jeremy Dutcher ‘Motewolonuwok’ in 2024 Polaris Music Prize dawng

Jeremy Dutcher chuan best Canadian album of the year an thlanna, Polaris Music Prize 2024 chu ‘Motewolonuwok’ album hmangin a dawng a, he chawimawina ṭum hnih dawng thei awmchhun a ni.

Polaris Music Prize dawng tur hian jury of expert ten an thlang a, chawimawina hian USD 50,000 a keng tel. Kumina he chawimawina dawng thei tur hian Dutcher album bakah hian Cindy Lee 'Diamond Jubilee', NOBRO 'Set Your Pussy Free', TOBi 'Panic', DijahSB 'The Flower That Knew', Allison Russell 'The Returner', Bambii 'Infinity Club' , Elisapie 'Inuktitut', The Beaches 'Blame My Ex' leh Charlotte Cardin '99 Ni' te chhawp chhuah an ni. Thawhlehni zan khan Toronto-a Massey Hall-ah chawimawina hlanna hun hmangin, 2023 winner Debby Friday chuan a host a ni. Jeremy Dutcher hian 'Wolastoqiyik Lintuwakonawa' album hmangin kum 2018-ah Polaris Music Prize hi a lo dawng tawh bawk.