'Flowers' hla vangin Miley Cyrus an khing

Singer Miley Cyrus chu a hla hit, Grammy award a dawnpui hial, 'Flowers' chungchangah Bruno Mars hla, 'When I Was Your Man' copyright share neitu, Tempo Music Investments chuan Los Angeles federal court-ah a khing.

Disney superstar hlui, Cyrus hi copyrights bawhchhiaah puhin an khing a, 'Flowers' hla hian Bruno 2011 hit hi chu tum sa renga copy tiin an puh, Cyrus bakah a co-writer Michael Pollack leh Gregory Hein te an khing tel bawk. Agency chuan 'When I Was Your Man' tih hi awm lo se, 'Flowers' hla hi a piang chhuak lo ang, tiin Bruno Mars fan-te chuan Bruno Mars hla avanga 'Flowers' pawhin hlawhtlinna nei thei tih an hre vek a ni, an ti. Miley Cyrus chu he hla hi perform tawh lo tur leh, pe chhuak lo turin an phut a ni. 'Flowers' hi 2023-a Miley Cyrus album chhuak, 'Endless Summer Vacation' a lead single niin, Billboard Hot 100-ah kar riat chhung No 1 niin, Spotify-ah pawh kar khat chhunga hla stream ngah ber record a siam a, stream mtd 100 chuang a nei hman a ni.