Lelte Awards sem a ni Pensy, Lalnunsanga leh Famkima te an langsar

Nizan khan Lal Thanhawla Auditorium, Congress Bhavan-ah Lelte Awards vawi 24-na chu sem a ni a, zaithiam malah langsar zual an awm meuh lo a, an intluktlang viau. Zaithiam kan nei ṭha rual hle a tih theih ang.

Lelte Awards vawi 24-naah hian Lalrinmawia, MZI President chu khuallian a ni a, entry hranpa awm loin a hmunah sawm bikten an en. Lelte hian kum 1984 aṭang khan music awards hi a siam ṭan a, kum khat danah a tir chuan sem a ni ṭhin. Kum 2000 aṭang khan Mizo music industry pawh a lian tawh a, hma a sawn tawh nia ngaiin kum tina sem a ni ṭhin ta a ni. Kum 2016 khi Lelte Awards vawi 25 sem a nihna tur a ni a, hemi atana inbuatsaih lawkna ang rengin trophy pawh siam danglam a ni. Trophy hi guitar pahnih ding ṭhiang anga siam a ni a, Mizo kutchhuak a ni.

Award chi hrang 32 semchhuah zingah zaithiam lar mek Pensy B.Lalthangliani, Zohnuai, Lunglei leh Famkima, Serhmun-te chuan Award pahnih an hum hawng a, Tahan zaithiam lar mek Lalnunsanga aṭangin Mipa zaithiam ber leh Hla lar ber ‘Di Hlui’ tih aṭangin Award pahnih a chhuak a, Award pakhat zawk hi hla phuahtu Laldana’n a dawng thung.

Young Achiever Award hi Jeje Lalpekhlua leh Lalramchuanzela ten an dawnga, Jeje hi inkhel pawimawhah a hun a hman avangin a Award dawn hi a chhungten an dawnsak a, zaithiam lar ṭhin R.Vanlalzauva fapa mal Lalramchuanzela hi Coordination, Mission Foundation Movement ni lai, thawhhona thuthlung Japan Sawrkar nen MoU ziak thei, National Award lo dawng tawh a ni. Hei bakah hian Mission Foundation Movement hnuaia thil hrang hrang - Disciple Training Institute, MFM Nursing School te pawh a enkawl hlawhtling hle.

India Badminton team ram pawnah ṭum 4 lo hruai tawh, China Open 2014-ah India team mipa leh hmeichhia-ah champion pui tawh C. Zorammuana hnenah Special Award hlan a ni bawk. Award semna inkhawmah mipui an kal ṭha a, zaithiam leh milar ten ṭawiawmtu an nei ṭha hle.

Lifetime Achievement Award hi Laltlanthangi Pachuau chuan a dawng a, Special Awards hi C. Zorammuana'n a dawng thung.

Award show-a zai an ṭha a, an zaithiam hlawm a, Mizotena zaithiam kan neih ṭhat ber berte an zai a ni. Award dawngtute leh buaipuitute hian zanin hian Hotel Floria-ah zanriah an kilho ang.

1.Male Singer of the Year
Lalnunsanga
2.Female Singer of the Year
DJ Lalvenhimi
3.Male Gospel Singer of the Year
TBC Zaithanpuia
4.Female Gospel Singer of the Year
Pensy B.Lalthangliani
5. Traditional Singer of the Year
Lalbiakhluii Pachuau
6.Choir of the Year
The Leprosy Mission Choir
7.Band of the Year
Triau Trackx
8.Musician of the Year
Ephraim Malsawma
9.Composer of the Year
C.Lalzarmawia
10. Song of the Year
‘Di Hlui’ Composed by Laldana, Sang by Lalnunsanga
11.Album of the Year Audio/Visual (Lengzem/Lenglawng)
‘Phu LohDi Zun’ / ‘Sailongurpui’ - Famkima
12. Album of the Year Audio/Visual (Gospel)
Parema Hlate (Varous Artistes) by R.Lalremruata (Parema)
13.Non-Mizo Audio/Visual Album of the Year
‘Nangmah Naih Chin Ka Duh’ by Bethsy Lalrinsangi
14. Comedian of the Year
C.Lalngaihzuala (Mastea)
15. Music Promoter of the Year
Vanlalruata Tochhawng
16. New Artiste of the Year
Gospel : Lency Remlalhruaii
Lengzem/Lenglawng : Essy
17. Best Music Video (Lengzem/Lenglawng)
Min hlan lai khan - Biakmuana
18. Best Music Video (Gospel)
Nitinin Hmangaihzual che ka duh - Pensy B.Lalthangliani
19. Best Music Video (Group)
Zokhawtleitir - Mission Veng North Branch YMA Zaipawl
20.Best Music Video (Band)
Dawn ti sei tura’n - Dreamhunter
21 Best Music Video (Khawhar Hla)
Rihtlang min liam san le - Lallawmawma
21. Best Music Video (Hnam Hla/Traditional)
Sailongurpui - Famkima
22. Chibil Award Dawng Turte
Thahdo/Kuki:Mahao Kipgen - Tuinom, Churachanpur,
Paite:Chingngaihlian, New Lamka, Churachanpur,
Hmar : Emma Puii Pachuau, Rengkai, Churachanpur,
Lai : Gloria Ṭial Rem Cin, Tahan - Myanmar
23. Life Time Achievement Award
Laltlanthangi Pachuau
24. Young Achiever Award
Lalramchuanzela
Jeje Lalpekhlua
25. Special Award
C.Zorammuana
26. Enterpreneur Award
North-East Consultancy Services (NECS)