Furious 7 ost a hit

Kar hmasa khan Furious 7 original soundtrack khan pakhatna a luah pha chiah lo a, mahse tunah erawh chuan Billboard album chart-ah pakhatna a hauh chiang.

Tunkar chhung khan Furious 7 ost hi copy 111,000 zet an hralh a, Billboard album chart-ah pakhatna a hauh chiang. Album ngawr ngawra an hralh bakah, pakhatna nihtirtu pakhat chu track mala an hralh nasa hi a ni. He album-a mi, Wiz Khalifa leh Charlie Puth te sak 'See You Again' a hit hle a, April 12 thleng he track hi vawi 464,000 zet download a ni tawh.

Furious 7 ost hi film ost zinga tun thla 12 chhunga Billboard album chart-a pakhatna hauh thei palina a ni. Empire ost khan pakhatna a lo hauh tawh a, Guardians of the Galaxy-in a hauh bawk a, Frozen khan pakhatna a hauh bawk. He soundtrack-ah hian TI leh Young Thug, David Guetta leh Kaz James, Skylar Grey, Wiz Khalifa leh Iggy Azalea leh mi hrang hrangte an zai a, hla 16 a awm.

Pahnihnaah All Time Low album, Future Hearts a awm a, he album hi kar khat chhungin copy 80,000 an hralh leh. Heng zinga copy 75,000 chu album puitling pangngai a ni a, a dang chu equivalent album, album tlukpuia an chhiar te a ni. Fifty Shades of Grey ost chu pathumnaah a awm a, copy 47,000 an hralh.

Billboard 200

The "Furious 7" Soundtrack - Various Artists (111,000)

"Future Hearts" - All Time Low (80,000)

The "Fifty Shades of Grey" Soundtrack - Various Artists (47,000)

"V" - Maroon 5 (44,000)

"1989" - Taylor Swift (44,000)

"In the Lonely Hour" - Sam Smith (43,000)

"To Pimp a Butterfly" - Kendrick Lamar (41,000)

"If You're Reading This It's Too Late" - Drake (40,000)

"X" - Ed Sheeran (39,000)

"Title" - Meghan Trainor (34,000)