Top 6-ah Joey Cook a lut zo lo

American Idol intihsiakna a kal zel a, top 7 te an intihsiak a, result an puang a, Joey Cook tan American Idol intihsiak a tawp ta.

Tyanna Jones a zai hmasa a, a tling hmasa ber. A dawtah Clark Beckham a rawn zai ve leh a, ani pawh a him. Jax a rawn zai ve leh, judge-te komen aṭangin a lungawithlak lutuk loh. Nick Fradiani pawh a him zingah a tel. Quentin Alexander pawhin stage sang zawka tel turin a tling.

A tawpa buk ngai chu Joey Cook leh Rayvon Owen te an ni. Twitter Save hmanga tling tur zawk an zawn a ngai. Joey hian My Funny Valentine a rawn sa a, Keith Urban chuan a fak nual, a awm a nuam sawt ang. J.Lo thung chuan a performance aṭang kha chuan a ngaihdan a thlak chuang lo tih a sawi. A hnuah Somebody to Love a rawn thlawh leh. Rayvon hian Always in Mind hla a sa a, Keith chuan a fak a, J.Lo chuan a fak ṭha lutuk lo a, Harry pawhin a fak hle. Long Train Runnin hla Rayvon hian a sa bawk.

Tichuan Twitter Save result an puang a, Rayvon zawk a chak a, a ṭhiante dang zingah a la zai thei. Joey Cook erawh a tla ta. Rayvon hi a zawnin a bottom-ah a awm tawh a, a leh pekah chuan a tlang zo tawh lo mai thei a ni.