MZU Vibrio vawrtawp Inferno

Mizoram University Students' Union tena kum tina kût an buatsaih ṭhin, Vibrio chu zanin hian a vawrtawp a thleng dawn. A tawp zan hi Inferno tia koh a ni a, hetah hian Vibrio chhunga intihsiakna hrang hrang result puan a ni ang.

Nikum Inferno-ah khan Boomarang leh Triau Trackx te an perform a, kuminah erawh chuan Casey's Secret leh Reverse Tragedy te an che thung ang. Inferno hian hluttu a ngah hle ṭhin a, University zirlai kher lo pawhin an pan nasa ṭhin hle. Kuminah erawh chuan tlemin khuahkhirhna uluk deuh hlek a ni ang a, kum dang aiin pawn lam mi tan pawh hawn zîm deuh hlek a ni ang.