Synod Choir-in music video tichhuak

Mizoram Synod Choir chuan nizan khan an music video thar 'Lalṭhuthleng kiangah' tih chu an tlangzarh. He music video hi Synod Choir, 2014-16 term chhunga mite music video hmasa ber a ni.

'Lalṭhuthleng kiangah' tih hla hi Synod Choir conductor lehlin a ni a, Upa Zonunmawia, Central KṬP General Secretary chuan Synod Choir Cabin, Synod Conference Centre-ah a tlangzarh a ni. Hauhnar Recordings-a an record a ni a, LKA video kutchhuak niin, aerial shot hi Mazuala, Durtlangin a buaipui a ni thung.

Synod Choir, 2014-16 term te hian tunah hian music video album an buaipui chho mek a, an ruahman anga an kal thei a nih chuan nakkum, Champhaia KṬP General Conference neih huna tlangzarh hman an tum. He album-ah hian hla thar, Synod Choir-in an la sak lar loh ṭhiau dah a ni ang. Synod Choir hian rawngbawlna hmachhawp an ngah hle a, tunah hian May thlaa Khliehriet, Meghalaya-a Presbyterian Youth Fellowship, Biennial Conference neih tur atan an inbuatsaih mek. Hei bakah hian 'Yahweh' tih hla chu recording tih mai theih turin an peih tawh bawk.

Mizoram Synod Choir-ah hian tunah hian conductor tiamin mi 23 an awm mek. Tun term-a mite hi nikum September thla aṭang ṭan kha an ni.