C. Lalrinmawia'n ṭhat lam a pan

Thawhlehni khan an zai a, tunah ICU-ah enkawl mek a ni a, C. Lalrinmawia hian ṭhat lam a pan mek.

Mizo mipa zaithiam zinga lawm leh ngaihsan hlawh berte zinga C. Lalrinmawia hi a chaw kawng cancer avangin zai a ni a, a chaw kawng ṭhenkhat paih a ni a, tunah hian New Life damdawi ina ICU-ah enkawl mek a ni. A kaw chhungah thi pût a la awm deuh reng avangin amah a la chau viau nachungin a harh tawh hle. Nimin thleng khan thisen unit 17 pek a ni tawh.

C. Lalrinmawia hian talent a nei ṭha a, zai mai bakah hla phuah pawh a thiam hle. 'Tlai Tla Êng Mawi' hla a phuah hian kum 16 chauh a la ni. A album-te tun thlengin ngaihhlut a la hlawh hle a, 'Tawnmang Lasi' kha kum 1983-a a tihchhuah a ni a, 'Di Chambawihpui' album kha kum 1988-a tihchhuah a ni.