Nominee-te Ṭhazual chart-ah an lo che Ṭha tawh TBC Zaithanpuia Rintea Chris MS Dawngkima Betea Amtea Mathlenga C. Sanga Manuna Henry Lalmalsawma Samuel Chhangte

Ṭhazual Awards vawi hnihna, July 29 zana sem tur nomination list an tihchhuahah langte an chanchin lo neih tawh a ṭha hlawm hle. Ṭhazual chart-ah hlawhtlinna ropui tak tak an lo nei tawh hlawm a ni.

Best Male Artist lengzem leh fakna huang chhunga langte bik chauh hi thlur ta ila, he category pahniha lang ringawtte pawh hi an chhe lo hlawm hle. Hontrade International Best Male Artist (Gospel) huang chhungah hian mi pang hming kan hmu a, a mal mal pawh hian zaithiam leh hlawhtling tak vek an ni.

TBC Zaithanpuia kan hmu a, nikum Ṭhazual Awards-ah pawh khan lo lang tawhin Best Male Artist hi a lo dawng tawh a, kuminah pawh hian a ‚wm berte zinga mi a la ni fan. Nikum January aṭanga kumin May thla chhung hiaward semnaa an teh huam chhung a ni a, hemi chhung hian TBCA hian music video a nei nual. Sul ni leh thla hla a nei a, Min tlan ta leh Isua lalber a ni tihte chu a solo music video a ni a, Bethsy nena an sak 'Isua ka ṭhian a ni' tih chu Ṭhazual chart-ah pawh pakhatna a nih kha.

Rintea kan hria a, Albatross-a an vocalist kha a ni. Nikum khan Min thlang tawh si music video a tichhuak a, pakhatna ṭum thum lai a luah a nih kha. Chris MS Dawngkima hian nikum khan Kawng min hawn r'u hla hmangin Ṭhazual Awards-ah Best Music Video a la tawh a, kuminah erawh chuan Best Male Artist-ah a hming kan hmu thung. Kumin February thla khan Thinlungin ka fak ang che tih hla a lo tichhuak. Tuna Hontrade International Ṭhazual Faknaa pakhatna luah mek Amtea chu a lang bawk a, ani hian kum 2014 khan Ṭhazualah pakhatna a lo luah tawh bawk. Betea kan hria a, kum 2015 khan Lungchhir a sawt tawh lawng tih hmangin pakhatna a lo ni tawh a, kuminah Ka tan i tuar hla a nei bawk. Heng a hla pahnihte hi tuna award sem turah hian en theih ve ve an ni.

IC Big Bazar Best Male Artist (Lengzem) lamah pawh mipa langte an ṭha hle. Nikum December thlaa Ṭhazual chart-a pakhatna hauhtu Mathlenga pawh a lang a, ani hian Mizo Thawnthu kha a hlawhtlinpui le a nih kha. Nikuma Best Male Artist lo dawng tawh C. Sanga pawh kan hmu leh e. Tunah pawh chart-ah a lang mek a, nikum chhung ringawt khan pakhatnaah vawi thum lai a lang a, ani hian hla hlawhtling tak tak a nei nual. Tuna chart-a top 10-a lang mek, Manuna pawh he cate≠gory-a nominee zingah a lang a, Henry Lalmalsawma pawh a lang. Kumin February tla khan top 10-ah hian a hming kan hmu a nih kha. Samuel Chhangte, a hmel ena rawlthar chauh ni awm, mahse aw pa tak kha, he category-ah hian a lang. Nikum October thla khan 'Lungrun' hla hmangin pakhatnaah vawi hnih a lo awm tawh nghe nghe.