Ramngaw ṭhiat kher lohin a intodelh theih
UN report-in a tarlan dan chuan ramngaw ṭhiat kher loh hian thlai thar chhuah leh ei leh barah a intodelh theih. UN chuan ramngaw humhalh leh loneih ṭha taka kalkawptir hian thlai thar chhuah a tihniam chuang lo niin a sawi.
UN Food and Agriculture Organization-a State of the World's Forest (Sofo)-in a tihchhuahah hemi chung≠chang hi tarlan a ni. FAO Forestry Policy and Resources Division-a an director, Eva Muller chuan tropical ram ten ramngaw an hloh zat hi hectare maktaduai sarih zet a tling niin a sawi a, chutihlaia thlai chinna an neih belh ram chu hectare maktaduai ruk a ni thung a, ṭul loah hectare maktaduai khat zeta zau ramngaw chu tihchereu a ni tih a sawi.
He report-a tarlan hi sum lalut tlem ramte aṭanga zir bingna a ni a, a hun huam chhung hi kum 2000
aṭanga 2010 inkar a ni. Heng ram rethei zawkahte hian nasa takin ramngaw a chereu a, ramngaw an ṭhiah nachhan ber chu thlai chin nan a ni. Ramngaw an
ṭhiah nachhan lian ber chu sum chang thlai chin nan a ni a, ramngaw chereu za zela 40 zet chu hetiang atana hmun duh avang a ni. A dang zaa 33 chu loneihna tur hmun dang atan a ni a, zaa 10 chu infrastructure vangin a ni a, 10% chu khawpui ṭhan zel vang a ni a, a dang 7% chu thil laihchhuahna avang a ni.
Ram bung leh mipui eizawn dan azir≠in loneihna tur atana ram tihchhiat dan pawh a inang lo thei hle nia tarlan a ni. Latin America-ah chuan thlai chin nana ram zau pui pui an hman avanga ram≠ngaw chereu a nasa ber a, Africa-ah chuan hawp khawp thar chhuahna tur tawk, chhungkaw intunnunna tur tawka loneih a nih avanga ramngaw chereu a tam ber.
Muller chuan, "Kan zirchianna
aṭanga a landanin kum 25 kalta chhung khan ram 20 te chuan an ramngaw neih an ch‚n belh lo a, ṭhenkhatah chuan ramngaw huam chin a zau zel zawk bawk. Chutihrual chuan heng ramina ei tur an thar chhuah erawh a pung tho a ni," a ti. "Heta ṭanga a landan chuan awmze neia lo neih leh ramngaw ṭhiah hi kalpui a nih chuan ramngaw ṭhiah belh kher lo hian thlai thar chhuah a tihpun theih a ni," a ti bawk.