Thlalak cheina lâr chak Prisma

Van Gogh, Picasso, Munch leh Mondrian-te kutchhuak ang maia painting ropui anga thlalak naran chhuah thei apps thar a awm a, a hming chu Prisma a ni. Ni khatah mi maktaduai chuangin phone-a dah chi thlalak chei danglamna Prisma hi an hmang thar - a hman dan ber chu thlalak naran lemziak nalh tak anga chantirna a ni ber mai.

Android phone hmang i nih chuan Prisma hi i la hmang thei lo. iOS lam chiahin an la hmang thei a, chumi awmzia chu Apple siam mobile ope≠rating system-ah chiah Prisma hi a hman theih a, kan hriat thiam dan tur chuan iPhone leh iPad lamah chiah he app hi a la hman theih tihna a ni. A anpui deuh chu An≠droid-ah pawh a awm chho mek.

Moscow lama Russian mi thiam ho siam chhuah a ni a, tunhnaia khawvel ram 10 chuanga mobile app download tam ber angin a siamtute chuan an chhal. A hman a nuamin a awlsam a, Instagram hmang ṭhangte tan chuan thil harsa engmah a awm lo a, awlsam takin an thlalak an chei dan ṭhin pangngaiin an chei zung zung thei a ni.

Thlalak naran ve mai hi he app hmang hian lemziak mawi tak angin a chei theih a, a kalphung hi tunhmaa thlalak chei dang≠lamna app chhuak tawhte nen a inang lo a, lemziak mawi tak leh dang≠dai tak angin thlalak hi a siam chhuah theih a ni.

A siamtute zinga mi Alexey Moiseenkov chuan, "Kan thil siam danglamna chu a thlalak hi a bul aṭanga siam thar leh vek ang a ni. Instagram lama thlalak cheinaah hi chuan a awm sa an chei ṭhin a, Prisma-ah hi chuan a thlalaka kha kan app-a kan lakluh hnuah a bul aṭanga khawih thar ang diak a ni a, chu vang chuan a thlalak chei pawh hi a danglam bik a ni," tiin a sawi.

Tun hnaiah Twitter leh Facebook velah Prisma hmanga thlalak chei mawi, painting nalh tak tak ang maia chhuah tam tak hmuh tur a awm a, hei vang hian he app hian ngaihven a hlawh zual. Tunah hian android lama dah theih turin an siam mek niin an sawi nghe nghe.