MrBeast leh Amazon an khing

YouTuber MrBeast leh Amazon chu Beast Games series kaihhnawihah contestant pangain Los Angeles Superior court-ah an khing.

Court-a phek 54 zeta chhah document an thehluhah, Beast Games-a contestant-te an enkawl dan a ṭha tawk lo hle a, an mut hun leh thawmhnaw inbel tur thlenga khuahkhirh sak vek niin, privacy an nei thei lo a, hlawh pawh pek an ni lo tih an tarlang. He series hi kumin March thla khan MrBeast chuan tih chhuah a nih tur thu hi a puang a, participant 1,000 te chu pawisa fai, USD mtd 5 man theihna tur siamin, khawvela live game show lian ber tur a ni dawn tih a lo sawi tawh a ni. Show buaipuitute chu contestant tel tur an thlan chungchangah fimkhur tawk loah an puh a, ei tur an pekte pawh a ṭha tawk loin contestant-te hriselna dinhmun thlengin a nghawng pawi thei a ni, an ti bawk. Document an thehluhah hian MrBeast production company, MRB2024 pawh tarlan tel a ni bawk.