Synod Social Front Committee-in Video Clip leh Slogan hmanga intihsiakna result puang

Synod Social Front Committee chuan HIV/AIDS leh Ruihhlo dona kawng khat atan Video Clip leh Slogan hmanga intihsiakna Branch KṬP te tan a buatsaih a, Dec. 14, 2020 khan intihsiakna result an puang. 

He intihsiaknaah hian Branch KṬP 83  aṭangin video clip 115 thehluh a ni a, Slogan hi Branch KṬP 96 aṭangin thuziak 1000 thehluh a ni thung. 

Video Clip intihsiaknaa tel ṭha zual 10-te hi CKTP YouTube channelah upload an ni a, Slogan a ti ṭhate hi sticker leh Hoarding atante hman tur a ni bawk.

Video Clip  lawmman dawngtu te:-

Pakhatna    - Mission Vengthlang Branch KṬP (Rs 30,000 leh thuziak an dawng)

Pahnihna    - Khatla Branch KṬP (Rs 20,000 leh thuziak an dawng)

Pathumna    -  Venghnuai Branch KṬP (Rs 10,000 leh thuziak an dawng)

Heng bakah hian a ti ṭha zual sawm zinga tel Branch pasarih hnenah Consolation Prize Rs. 3,000 leh thuziak te hlan ṭheuh an ni bawk.

Slogans inziahsiak result:-

Pakhatna    - Bethlehem Venglai Branch KṬP (Rs 5,000 leh thuziak an dawng)

Pahnihna    - Lengpui Branch KṬP (Rs 3,000 leh thuziak an dawng)

Pathumna    - Suangpuilawn Branch KṬP (Rs 2,000 leh thuziak an dawng)

A ti ṭha zual sawm zinga tel dang pasarih hnenah Rs. 1000 ṭheuh hlan ni bawkin thuziak hlan tel an ni.